Nuk ka mundësi ti ketë shpëtuar vëmendjes tuaj që viti 2007 shënoi 50 vjetorin e nënshkrimit të Traktatit të Romës. Për të festuar këtë ngjarje Komisioni Europian ka botuar këtë borshurë, “50 rrugë përpara – sukseset më të mëdha të Europës”, për të shënuar rendësinë e Bashkimit Europian për të gjithë.

Kjo broshurë synon të tregojë – në një mënyrë tërheqëse dhe zbavitëse – se si popullsia në Europë, dhe përtej, ka përfituar dhe do të vazhdojë të përfitojë nga bashkëpunimi europian.

Bashkimi Europian (BE) është tashmë familja e 27 shteteve dhe 490 milion qytetarëve, që punojnë së bashku për paqe dhe prosperitet. Traktati i Romës që nga 1957 është një nga aktet themeluese të BE-së. Me rastin e 50 vjetorit,  kjo broshurë u paraqet lexuesve 50 histori mbi atë çka është arritur në Europë. Çdo histori është e shkruar me një stil të gjallë e miqësor, që presupozon se lexuesi nuk ka njohuri paraprake rreth një çështje të caktuar.