Bashkimi Europina (BE) është unik. Ai nuk është një shtet federal si Shtetet e Bashkuara të Amerikës sepse shtetet anëtare mbeten kombe të pavarur e sovranë. Po ashtu nuk është një organizatë e pastër ndërqeveritare si Kombet e Bashkuara sepse shtetet anëtare i bashkojnë disa pjesë të sovranitetit të tyre – duke përfituar kështu një forcë dhe influencë më të madhe kolektive se sa po të kishin vepruar individualisht.

Ata bashkojnë sovranitetin e tyre duke marrë vendime të përbashkëta nëpërmjet institucioneve të përbashkëta siç është Parlamenti Europian, i cili zgjidhet nga qytetarët evropianë, dhe Këshillin, që përfaqëson qeveritë e shteteve anëtare. Ata vendosin mbi bazën e propozimeve të Komisionit  Europian, i cili përfaqëson interesat e BE-se si i tërë. Por, çfarë bën secili nga këta institucione? Si punojnë ata së bashku? Cili është përgjegjës për çfarë?


Kjo broshurë jep përgjigjet në një gjuhë të thjeshtë. Ajo jep gjithashtu një vështrim të shkurtër mbi agjencitë dhe organet e tjerë të përfshirë në punën e BE-së. Qëllimi i saj është që të japë një informacion të vlefshëm mbi vendimmarrjen në BE.