Në kuadër të angazhimit për integrimin në nivelin evropian, BE-ja promovon diversitetin gjuhësor dhe kulturor të popullsisë së tij. Kështu ai promovon mësimdhënien dhe mësimin e gjuhëve të tyre, duke përfshirë dhe gjuhët e minoriteteve dhe ato rajonale.  Qëllimi ambicioz i BE-së, i paraqitur dhe në një plan të ri veprimi, është që sa më shumë qytetarë evropianë që të jetë e mundur të flasin një – dhe idealisht dy – gjuhë të huaja përveç gjuhës amtare.

Bashkimi Europian si një organizatë punon tani me 20 gjuhë zyrtare. Kjo sepse, në një demokraci, ligjet që ai zbaton, duhet të jenë të kuptueshme për të gjithë qytetarët e tij. Nuk mund të ketë diskriminim, për shembull, mes faktit se si trajtohen qytetarët në një vend të madh apo të vogël. Në marrëdhëniet e tyre me institucionet e BE-së, të gjithë qytetarët kanë të drejtë të përdorin gjuhën e tyre kombëtare – ashtu si dhe përfaqësuesit e tyre të zgjedhur në Parlamentin Europian.